Akureyri 28. júní

Jæja, kominn heim. Við vorum með mjög góða tónleika í tartu á laugardagskvöldið. Keyrðum síðan um nóttina til Tallinn og spiluðum þar á samkomu hjá Hjálpræðishernum á sunnudagsmorguninn og síðan í Tasamine garðinum eftir hádegi. Síðan var bara að drifa hljóðfærin ofan í tösku og hendast í ferjuna til Helsinki. Þar náðum við að vinna upp svefn og flugum heim um hádegi í gær og ég sofnaði sæll og glaður í rúminu mínu um eittleitið í nótt. Þetta er búin að vera nokkuð strembin ferð en náttúrulega óhuggulega skemmtilegt og gaman hvað okkur hefur verið vel tekið og nánast örugt að fleiri ferðir fylgja og sennilega diskur, en það skýrist nú betur seinna. Hvað lífið hér heima varðar þá hafa strákarnir mínir dafnað vel, Ragna jafnvel enn yndislegri en þegar ég fór og búin að selja íbúðina okkar, þannig að nú þarf að setja kraft í að leita sér að nýju heimili áður en við þurfum að afhenda um miðjan september.