Aumingja ég

Ég er klárlega á hraðri leið til Helvítis núna. Ég steig nefninlega ofan á nunnu í gær. Ragna og Elmar Dagur voru á jólaskemmtun dagmæðra og ég leit við til þess að taka nokkrar myndir. Þegar Elmar dagur féllst á að fara í fangið á Askasleiki stökk ég til með myndavélina framan á nefinu og lenti ofan á nunnu sem kraup á gólfinu og var að opna jólapakka með pínulítilli stelpu. Guð á himnum !! Alvöru nunna og ég steig ofan á hana. Nú þori ég ekki að fara um suðurbrekkuna af ótta við að mæta konugarminum draghaltri við hækju.