eru alveg hundleiðinlegir í eðli sínu. Konur þrífast mjög vel í stórmörkuðum og eru einstaklega glúrnar í að sjá nytsemd í ótrúlegustu hlutum og þar af leiðandi hafa þær ríka þörf fyrir að vafra um í innviðum þessara satansmustera með logandi ljós útsjónarsemi og hagvisku í útréttri hendi.
Ég aftur á móti er ekki þessarar náttúru og því hef ég fundið ýmsar leiðir til þess að drepast ekki úr leiðindum meðan Ragna finnur eitt og annað sem hana vanhagar um.
- Að færa standa með útsölumerkingum á milli rekka. Þetta er pottþétt og fólkið fylgir til að gera góð kaup
- Að dunda sér við að stilla 30 vekjaraklukkur þannig að þær hringi með fimm mínútna millibili
- Að fela sig inni í fataslám og stökkva á breskar húsmæður úr launsátri og hrópa
,, Buy me, buy me !!!"
- Að finna öryggismyndavél og nota hana sem spegil á meðan maður slítur hár úr nefinu
- Að dedúast ískyggilega í nærfatadeildum kvenna, líta flóttalega í kringum sig og humma stefið úr Mission impossible frekar hátt.
-Að grípa um höfuðið og kastast til og frá þegar tilkynningar koma í hátalarakerfið og grenja ,, þegiðu.. þegiðu... ég hata þig...þú stjórnar mér ekki !!!!
( má líka nota þegar afgreiðslufólk biðst til að hjálpa nema þá er betra að grenja ,, af hverju ráðast allir á mig ... látið mig vera... látið mig vera")
- Að fara inn í mátunarklefa í fínni búð og hrópa ,, Það vantar klósettpappír"
