Tímamót

Ég lét þess getið í færslu á dögunum að ég stæði í stórræðum. Málið er það, eins og einhverjir kannast við, þá hef ég verið langt í frá ánægður með stöðu mála í vinnunni hjá mér. Því tók ég þá ákvörðun í haust að koma mér í burtu og sótti um vinnu við Hlíðarskóla. Sú tilraun mín mistókst nú einna helst fyrir það að ég hef ekki kennsluréttindi. Mistökin sem ég gerði voru þau að fara að gaspra um þetta áður en málið var í höfn en það er nú skiljanleg mistök okkar sem erum pínulítið hrifnæm. Hins vegar get ég sagt frá því í dag að ég hef sagt upp störfum hjá framkvæmdamiðstöð og mun hefja störf hjá Neyðarlínunni 112 í desember. Ég er mjög ánægður með þessu umskipti.

fátt er svo með öllu illt...

Ég var að lesa færsluna hans Róberts um hvalveiðar og datt þá í hug að samkvæmt fréttum í Blaðinu nýlega kom brestur í útgáfuferli stúlknahljómsveitarinnar Nylon í Bretlandi vegna hvalveiða okkar islendinga (mikið ljómandi er þetta illa upp byggð setning hjá mér).
Allavega. Ef hvalveiðarnar verða til þess að stöðva þennan sykurlekanda til útlanda þá er þetta nú kannski réttlætanlegt.

... ég gleymdi bestu gjöfinni. Ég gleymdi sjálfum mér

 
Takið eftir þokkafullri handstöðunni. Þetta er rokk, ef rokk er ennþá til. 

Hljómsveit kvöldsins

 
Strákarnir í ,, Herra norðurland" eru að æfa í Sjallanum um þessar mundir. Halli mátar sig í brúnkukremið
 
Gunni Tryggva, a.k.a. Hr. hljómsveitarstjóri, bendir út í loftið
 
Haukur góðtrommari tekur rokkkpósu númer 12.

Pétur hlustar á Halla syngja Á sjó ... og hefur gaman af.
  

Cruel love

 
Elmar Dagur hjálpar Steinari Loga að rétta úr hálsinum eftir langan akstur á Sprengisandi í sumar. ,, Ég hjálpa " 

Kvöldið er okkar

Þetta eru nú kannski öfugmæli þar sem Ragna mín mun eyða kvöldunum ein þessa vikuna. Nú eru fjórir dagar í frumsýningu og allt kapp lagt á að laga smáatriðin. Fyrsta æfing í Sjallanum í kvöld, með Gunna hljóðmanni og öllu gismói. Þorvaldur og Helena mæta og ,, allt í gangi"
Annars er ég í stórræðum þessa dagana, meira um það síðar.

Engar afsakanir

Ég hef nú lítið uppfært undanfarið og helgast það frekast af annríki. Nú er ekki nema tæpur hálfur mánuður í Ingimarsshowið og því ljóst að mikið verður æft þessa og næstu viku ef vel á að vera. Við erum búin að renna í um 60 lög í það heila og nú hefst vinnan við að negla þetta í höfuðið á sér þannig að maður þurfi ekki að spila af blaði eins og einhver hámenntaður tónlistarmaður. Helena Eyjólfs hefur reynst okkur ótrúlegur haukur í horni, hún kann öll lög í heimi og hefur flýtt alveg ótrúlega fyrir okkur strákunum við að læra bæði hljóma og raddir. Ég ætla nú bara að fullyrða hér og nú að þetta verður vel heppnuð dagskrá og ef Sjallinn stendur sig í umgjörðinni þá á fólk von á grand kvöldi.
Annars er nú lítið að frétta. Maður undrar sig á stjórnvöldum sem hlera í stað þess að hlusta, drekkja náttúrunni, lýsa stuðningi við drápsferðir bandaríkjanna og ganga glaðbeitt undir hælinn á þeim. Samningurinn um brotthvarf varnarliðsins er svohljóðandi í stuttu máli.
USA ,, Bless, við erum farnir"
Ísland ,, ok. bæ "
Ragna mín fer af stað til útlanda á morgun og við strákarnir verðum einir heim fram á sunnudag. þess er að vænta að glatt verði á hjalla.

Fyrsti snjórinn

Fyrsta alvöru snjókoma vetrarins var í gærkvöldi. Það var fljúgandi hált þegar ég fór á gospelæfingu og jafnvel enn hálla þegar ég fór heim. Eins gott að maður er búinn að panta sér vetrardekk. Tók nokkrar myndir í garðinum.
 
Páfarósinni minni var kalt undir steini.
 
Birkið var ólíkt sjálfu sér í morgun 

Slátur

Við Valgerður tengdamamma mín skutluðumst í að taka slátur á föstudaginn. Gerðum úr sex lifrum, einum potti af blóði og síðan voru sviðin soðin og sultuð. Þess má geta að menn borðuðu yfir sig af steiktu slátri heima hjá mér á sunnudagskvöldið.
 
Vambir
 
Hrært í innyflum
 
Troða í vömb
   ,, ein ég sit og sauma"

Græjur eru góðar

Svona verður að vera til á hverju heimili

Fyrir okkur alla sem höfum gaman af græjum. Jólin eru ekki svo langt undan !!

Ekki er allt gull sem glóir

Nunna stígur upp í leigubíl. Á leiðinni tekur hún eftir því að
leigubílstjórinn, sem er hrikalega myndarlegur, er stanslaust að horfa á
hana.
Hún spyr hann af hverju hann stari svona. Hann svarar: "Sko, mig langar
svo að spyrja þig að einu, en ég er svo hræddur um að þú verðir reið." Hún
svarar:
"Sonur minn, ég verð ekki reið. Þegar maður er orðinn svona gamall og
hefur verið nunna í svo langan tíma sér maður og heyrir ótrúlegustu hluti.
Ég er viss um að ég reiðist ekki."
"Ja, mig hefur alltaf dreymt um að kyssa nunnu."
Hún svarar: "Hmm, sjáum til hvað við getum gert í því. En það eru tvö
skilyrði: Þú þarft að vera einhleypur og kaþólskur." Leigubílstjórinn er
mjög spenntur og segir: "Já, ég er einhleypur og kaþólskur." "Ókei", segir
nunnan," stoppaðu á næsta stæði."
Nunna uppfyllir draum leigubílstjórans með kossi sem er betri en nokkuð sem
hann hefur upplifað. En þegar þau eru komin aftur af stað byrjar hann að
gráta. "Elsku barnið mitt," segir nunnan, "því ertu að gráta?" "Fyrirgefðu
mér, en ég hef syndgað. Ég laug og verð að játa að ég er bæði giftur og
lúterskur." Nunnan segir: "Það er ekkert mál. Ég heiti Hjalti og er að
fara í grímuball."