Reykjavík ó Reykjavík

Enn er ég staddur í höfuðstöðvum Neyðarlínunar. Lífið gengur voðalega mikið út á ferðalög, vinnu og það að njóta þess að vera heima þegar ég er í fríi. Fylgist glaður með handboltalandsliðinu og himinlifandi með málum Frjálslyndaflokksins. Glæsileg karlremba hjá stjórnarformanni Nýs Afls að vilja ,, hafa að minnsta kosti eina konu við borðið,, og blóm og svoleiðis til þess að gera ásýnd flokksins smekklega. Þetta og ný stefna flokksins í málefnum innflytjenda gera hann að þversögn aldrinnar og nýtt slagorð þeirra verður að líkindum ,, frjálslyndi - minn rass"
Enn ein sönnun þess að pólitík á Íslandi á enga samleið með stjórnmálum.

Annars erum við Ragna að fara til Dublin á næstunni og hlakka ég mikið til.

Um nyja árið

þá er enn eitt árið að líða inn í mósku tímans og nýtt að opna fyrir manni faðminn. Ég óska öllum lesendum síðunar gleði og gæfu á nýju ári og þakka allt sem liðið er. Nú er bara að drífa sig í sturtu og raka á sér höfuðið og taka á opinn á móti framtíðinni Stebbi
Aldrei þessu vant gleymdi ég að strengja áramótaheit. Þess er því að vænta að ég verði nokkuð stefnulaus í
ásetningi mínum framan af ári. Það er reyndar engin nýlunda og því lítil ástæða fyrir fólka ða fara að gera
ráðstafanir. Eg bið lesendur síðunar um að sýna stillingu og fara ekki að hamstra þurrmjólk.

Leti er dauðasynd

talsvert hefur vantað upp á hreyfingu hér á síðunni og er helst um að kenna miklu annríki. Ég er nú að nálgast hinn endann á grunnþjálfun hjá 112 og fer því að vænkast hagur. Reykjavíkurdvölin senn á enda í bili og framundan ekkert nema blóm í haga. Ingimarsshowið fer í gang aftur í febrúar og opnun starfstöðvar 112 á Akureyri um það bil að fá dagsetningu tengda við sig. Það er því margt að banka á dyrnar hjá manni svo ekki sé nú talað um lúxusinn að fá að vera heima hjá sér og sínum. Meira síðar.