List eða lyst

Nú er listahátíð í Reykjavík og þá má allt. Í nafni þessara herlegheita er nú verið að fróa manni, með lauk í rassgatinu, á landbúnaðarvél hér á listasafninu og sunnan heiða sýnir svissnesk kona samfaramyndbönd og sjálfsfróunarmyndir af sér í Hafnarborg. Fólk, sem alla venjulega daga fytjar upp á trýnið og úthrópar fólk eins og Tommy og Pamelu er nú kvöld eftir kvöld að virða fyrir sér sömu hluti, nema núna er það gert með hvítvín í glasi og í sparifötunum. Sjálfsskoðun í gegnum sjálfsfróun er ekki klám nema hún sé borin á borð fyrir annað fólk og ég ætla að gerast svo mikill myndlistarrýnandi að lýsa því yfir að þetta er sóðaskapur og á ekkert skylt við list,en gæti hugsanleg vakið lyst hjá einhverjum og er þá eftir allt bara klám.

Enn spilar hann

Bættist við gigg á Græna Hattinum 28. maí. Spila með Dan Dubious, Gaman.

Tónlistin lifir

Ég er þessa dagana að taka upp mitt fyrsta alvöru verkefni sem upptökumaður. Kór frímúrara á Akureyri. Upptökum lýkur vonandi í kvöld og þá tekur við mix og mastering, allt voða spennandi. GT hljóðvinnsla vinnur verkið og stöndum við feðgar hlið við hlið bak við herlegheitin. Síðan eru gospeltónleikarnir í Ketilhúsinu þann 20. maí og afmælistónleikar TDH 27. á Gauk á stöng. Þá vænti ég að taki við æfingar hjá okkur sem erum að fara til í víking kringum Eystrasaltið þann 15. júní. Eins gott að maður á inni fæðingarorlof.

Akureyrarbær fær verðlaun í stjórnun ...

sem er ekkert skrítið.
Í fyrra var haldin róðrarkeppni milli Akureyrar og Randers í Danmörku, vinabæjar Akureyrar. Keppt var á áttæringum og unnu danirnir með 1 km. mun. Þetta féll að vonum í grýttan jarðveg og bæjarstjórnin setti upp vinnuhóp til þess að skoða málið, með það að augnamiði að vinna næstu keppni. Eftir mikla vinnu komst hópurinn að því að hjá dönunum voru sjö menn sem réru en einn stjórnaði. Í Akureyrarliðinu voru sjö sem stjórnuðu og einn sem réri. Vegna þessarar krísu fékk bæjarstjórnin ráðgjafafyrirtæki til þess að kanna strúktúr liðsins og gera tillögu að nýju skipulagi. Stjórnunarfræðingarnir komust að því að of margir væru í stöðu stjórnanda. Því var strax farið í skipulagsbreytingar og í stað þess að hafa sjö stjórnendur voru ráðnir einn verkefnisstjóri, þrír stýrimenn, tveir yfirstýrimenn, einn leiðtogi stýrimanna og einn ræðari, sem var að sjálfsögðu mótiveraður samkvæmt meginreglunni um að breikka starfssvið starfsmanna og færa þeim aukna ábyrgð.
Á dögunum var síðan keppnin haldin á nýjan leik og nú unnu danirnir með 1.5 km. mun.
Bæjarstjórn hefur umsvifalaust látið reka ræðarann og greitt bónus til stjórnenda fyrir þeirra miklu vinnu. Ráðgjafafyrirtækið var fengið til þess að gera aðra úttekt og komst að því að valin hefði verið rétt leið en búnaðurinn væri rangur.
Bæjarstjóri er nú að láta kanna hvað kostar að hanna nýjan bát.
( smásaga þessi er skáldskapur, allar líkingar við raunveruleg atvik eru án efa tilvljun)