Timburmenn

Þá er nú mesta átinu lokið í bili og ég á leiðinni suður á eftir. Til stóð að við færum öll fjölskyldan, en úr því verður ekki og verð ég því einn fyrir sunnan. Síðan er bara að hafa sig heim eftir síðustu vakt og fagna nýju ári í faðmi fjalla.
Aðfangadagskvöld var okkur ánægjulegt og menn una sáttir við sitt. Við Ragna gáfum Steinari Loga rafmagnsgítar og magnara og var að kvöldi jóladags stofnuð hljómsveitin Kvöldið rokkar og fyrsta æfing hljómsveitarinnar var í bílskúrnum okkar í morgun. Hljómsveitin er skipuð krökkum úr götunni og er markmiðið að spila á N4. Göfugt. Ég geri ekki ráð fyrir að blogga mikið fram að áramótum og óska ykkur öllum gæfu á nýju ári. Stebbi.

Aðfangadagur

Ég hef nú ekki náð sambandi við Blogger.com í langan tíma þannig að það skili nokkrum árangri. Látum á það reyna aftur.
Ég óska öllum þeim sem hingað rata gleðilegra jóla og hamingju á nýju ári.

Yfirlýsing

Mér finnst steikt slátur góður matur.

Ya man, I do for you some blog.

Ja, síðan eru liðin mörg ár segi ég nú bara. Hvað er helst ? ég byrja í nýju vinnunni á morgun. Steinar Logi er farinn að lesa 100 atkvæði á mínútu. Íslensk stjórnmál snúast nú um að skafa skítinn undan nöglum annara, borða hann og hrækja útúr sér hálfmeltum og á öfugum endanum. Snjórinn er orðinn til leiðinda á Akureyri, enda aldrei gott að lifa umhleypinga. Nú er búið að úthluta júróvisjón lögum í undankeppni og fjölskyldan er búin að taka pestina sem geysar hér fyrir norðan og orðin heil heilsu á ný. Meira síðar