Haustið og tónlistin

Það er eitthvað svo mikið haust úti núna að mér fannst viðeigandi að deila með ykkur nokkrum ,,hressum´´ haustslögurum, Þó ekki dónalegum.
Tom Trauberts blues / Tom Waits
Poor Edward / Tom Waits
Ill be your mirror / Velvet underground and Nico
The false husband / Isobel Campbell & Mark Lanegan

Annars er ég að hlusta á Damage, tónleikaplötuna sem fylgdi eftir The first day samrunnaplötu David Sylvian og Robert Fripp. Snilld

Lygi í auglýsingu

Mér þótti einkennilegt að konan í sjónvarpsauglýsingunni frá Jónar transport héti Jón. Við nánari athugun kemur í ljós að í raun og veru heitir enginn starfsmaður Jón hjá Jónar transport. Merkilegt ?

Fleiri myndir úr Fjörðum

 
Dóri ´a göngubrúnni
 
Kaffi á sólpallinum við Þönglabakka
 

  
Hvalvatnsfjörður

Góð helgi

Helgin byrjaði rólega með tiltekt í bílskúr og almennum heimilisstörfum. Um miðjan laugardag æstust leikar og fórum við inn í Kjarnaskóg á vit ævintýra áður en naut yrði etið hjá frú Valgerði. Á sunnudaginn fór ég síðan með Dóra Torfa út að Þönglabakka til þess að skoða möguleika á uppsetningu VHF loftnets. Fínn labbitúr með góðum ferðafélaga. Það var síðan viðeigandi að ljúka helginni með einum ísköldum í pottinum. Ahhh...
 
Ragna mín
 
Allir að róla
 
Elmar Dagur slekkur þorstann
  
Fagurt er í fjörðum, sagði Látra Björg. VIð upphaf ferðar.

Bassaleikarar bassaleikarans

Setti að gamni inn video með fimm bassaleikurum sem ég hef litið upp til í gegnum tíðina. Þið getið þá eytt helginni í að skoða þetta.
Annað mál. Fannst engum nema mér fyndið að harðlínu múslimar skyldu bregðast við orðum páfa með því að brenna dúkkur af honum og kasta grjóti. ,,Við erum sko ekkert ofbeldishneigðir andsk... hafi það". Í raun mjög langt frá því að vera fyndið mál allt saman en samt...

TONY LEVIN BAND PROMO USA version

Meistari meistarana. Ef ég á eitthvað idol í lífinu þá er það Tony Levin.

stuart hamm

Stuart Hamm. Af honum lærir maður ,,harmoniseringu´´

Red Hot Chili Peppers - instrumental jam

Gleymum ekki Flea

JBK - Plaster The Magic Tongue

Mick Karn, súr en fáránlega góður

Mezzoforte live medley

Jóhann Ásmunds er náttúrulega einna bestur íslenskra bassaleikara

Haust

 
Svona var á Akureyri uppúr sjö í morgun. 5 gráðu hiti. Ég held að nú sé haustið komið. 

Bassi

Hver segir að bandalaus bassi fönki ekki ?

Ferð í Gæsavötn

Fjölskyldan fór til fjalla um helgina. Gæsavötn liggja í 900 metra hæð milli Tungnafellsjökuls og Vatnajökuls. Í jaðri Ódáðahrauns býr staðurinn yfir hrikalegu landslagi og stórbrotinni fegurð. Þar á ég sumarhús í félagi við aðra unnendur íslenskrar náttúru.
  
Húsið mitt löðrandi í morgunsól

Sandurinn er ekki eins svartur og hann sýnist 
Geldingarhnappur (Armeria maritima) gægist upp úr mölinni 

 
Austan við skálann eru vatnsuppsrettur. Þessi foss sprettur fram úr hraunveggnum innst inni í litlu gili
 
Steinar Logi kannar gæði vatnsins. Tærara verður það varla
  
Gæsahnjúkur og Bárðarbunga baða sig í vötnunum

Eru álfar í hrauninu? 
Strákarnir leita 

Lengra verður ekki komist
  Hallgrímsvarða stendur á miðju hálendinu, héðan liggja allar leiðir til byggða 

Bónusbrauð

Ég fór að hugsa um það í gær hvað það er einkennilegt að það fyrsta sem manni er boðið uppá, þegar gengið er inn í Bónus á Akureyri, er brauð. Af hverju er það einkennilegt ? jú það er sérdeilis ólógískt að setja brauðið fyrst í innkaupakörfuna. Það kallar annað hvort á það að umstafla þurfi í körfunni í hvert skipti sem eitthvað er dregið búið, eða láta brauðið fara í klessu. Í guðanna bænum farið nú ekki að koma með einhverjar athugasemdir um að hægt sé að fara til baka og taka brauðið síðast. Hefur fólk reynt að synda gegn straumnum í Bónus og olnboga sig framhjá fólkinu sem virðist álíta að verslanir séu félagsmiðstöðvar og innkaupakerrur einhverslags hækjur til að hanga á ? Ég gerði stutta athugun í Bónus í gær og sá að allflestir voru sömu gerðar og ég og höfðu af miskunarleysi látið brauðinu eftir að mæta örlögum sínum, neðst í innkaupakerrunni.

Jack Sparrow

 
Steinar Logi átti afmæli 9. sept. Loksins kom ég inn mynd af honum. 

Tæknilegir örðugleikar

Við Blogger höfum ekki talað sama tungumálið upp á síðkastið. Ég ætlaði að gera smávægilegar tilfærslur á síðunni, en endaði í tómu rugli. Vonandi verður bót á því. reyni aftur síðar